ABŞ-da Starbucks işçilərinin başlatdığı tətil bütün ölkəyə yayılıb

Bakı, TurkicWorld

İlk dəfə Seattle, Los Angeles və Çikaqo şəhərlərindəki Starbucks baristaları tərəfindən başlanan 5 günlük tətil ABŞ-ın müxtəlif bölgələrindəki şəhərlərə də yayılmağa başlayıb.

TurkicWorld xəbər verir ki, tətillə bağlı şirkətdə çalışan 10 mindən çox baristanı təmsil edən Starbucks Workers United-in sosial media hesabından açıqlama verilib.

Açıqlamaya görə, tətil Starbucks-ın ən mühüm üç bazarında, yəni Seattle, Los Angeles və Çikaqo şəhərlərində başlayıb. Sonradan tətil, Nyu Cersi, Nyu York, Filadelfiya və Sent-Luis kimi başqa şəhərlərə də yayılıb.

Həmçinin, Denver, Kolumbus və Pittsburq kimi şəhərlərdə də işçilər tətilə qoşulub.

Starbucks işçiləri bildirirlər ki, şirkət onlara ilin sonuna qədər müqavilələrin imzalanacağına söz versə də, hələ də onlara ciddi iqtisadi təkliflər təqdim etməyib.