1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Xocalı və Əsgəran arasında yerləşən ərazidə sirli qəbiristanlıq aşkar edilib.
Oxu.Az Musavat.com-a istinadən xəbər verir ki, bu tapıntı bölgədə geniş marağa səbəb olub.
Qəbiristanlıqla bağlı ilkin məlumatları təqdim edən soydaşlardan biri qeyd edib ki, bu məzarların Xocalı soyqırımı ilə əlaqəsi yoxdur.
Tapılan məzarlar daha qədim dövrlərə aiddir. İlk araşdırmalara əsasən, qəbirlərdən əldə olunan bəzi zinət əşyaları onların Xocalı soyqırımı ilə əlaqəsinin olmadığını təsdiqləyir. Bu məzarlar qədim bir tarixə işıq sala bilər.
Məsələ ilə bağlı daha ətraflı tədqiqat aparılması üçün Azərbaycan Milli Elmlər Akademiyasından xüsusi bir heyətin əraziyə səfəri planlaşdırılır. Bu tapıntının Azərbaycanın tarixi irsi ilə bağlı hansı yeni məlumatlar təqdim edəcəyi maraqla gözlənilir.
Qeyd edək ki, bu qəbiristanlıqla bağlı daha ətraflı məlumat yaxın günlərdə ictimaiyyətə açıqlanacaq.
Məzarlığın aşkarlandığı ərazidən olan görüntüləri təqdim edirik:
