Dekabrın 29-da hava yağışlı olacaq, lakin bayram günlərində (31 dekabr-3 yanvar) Bakıda hava mülayim olacaq.
Belə ki, Milli Hidrometeorologiya Xidmətindən "Təzadlar"a bildirilib ki, sabah Bakıda və Abşeron yarımadasında bəzi yerlərdə fasilələrlə yağış yağacaq. Gündüz tədricən kəsiləcək. Mülayim şimal-qərb küləyi əsəcək. Gecə 4-6 dərəcə isti, gündüz 6-8 dərəcə isti olacaq.
Dekabrın 31-də Bakıda və Abşeron yarımadasında hava dəyişkən buludlu olacaq, əsasən yağmursuz keçəcək, lakin gecə və səhər bəzi yerlərdə arabir yağış yağacaq, şimal-şərq küləyi əsəcək. Gecə 4-6, gündüz 7-9 dərəcə isti olacaq. Yanvarın 1-də hava dəyişkən buludlu olacaq, əsasən yağmursuz keçəcək, cənub-qərb küləyi əsəcək. Gecə 3-5, gündüz 7-10 dərəcə isti olacaq.
Yanvarın 2-də hava buludlu olacaq, əsasən yağmursuz keçəcək. Mülayim cənub-qərb küləyi əsəcək, axşam şimal-qərb küləyi ilə əvəz olunacaq. Gecə 5-7, gündüz 8-11 dərəcə isti olacaq.
Yanvarın 3-də hava dəyişkən buludlu olacaq, əsasən yağmursuz keçəcək, şimal-qərb küləyi əsəcək. Gecə 5-7, gündüz 8-12 dərəcə isti olacaq.
