AZ

Rusiyalı politoloq sülhməramlıların Azərbaycanı tərk etməsindən danışdı

Rusiyalı politoloq, MDBMİ-nin aparıcı tədqiqatçısı Sergey Markedonov hesab edir ki, əgər bunu sakit və rasional dəyərləndirsək, Rusiya sülhməramlı qoşunlarının Qarabağı tərk etməsi tarixin sonu deyil.

Yenicag.az-ın məlumatına görə, “Russian Forbes”ə müsahibəsində ekspert bildirib ki, sülhməramlı qoşunların çıxarılması sensasiyaya çevrilməyib, əksinə, əvvəldən proqnozlaşdırılıb. Analitik əlavə edib ki, sülhməramlıların yerləşdirilməsi qərarı konkret tarixi şəraitdə verilib kontingent yeni status-kvoya uyğun gəlməyi dayandırdıqda onların dislokasiyasına start verilib.

“Rusiya qoşunlarının çıxarılması Qafqazda baş verən mühüm dəyişikliklərin nəticəsidir. Baxmayaraq ki, təkcə postsovet ərazisinin bu hissəsində deyil, həm də bütün Avrasiyada. Moskva artan rəqabət və qarşıdurma ilə üz-üzədir, onun müstəsna rolu və üstünlüyü sınanır”, – Markedonov bildirib.

Onun sözlərinə görə, Rusiya sülhməramlı qoşunlarının fəaliyyətini bir məxrəclə qiymətləndirmək mümkün deyil:

“Demək olar ki, bu məğlubiyyət deyil, Moskvanın məğlubiyyəti kimi özünü tərk etmək söhbəti artıq Rusiyanın daxilində və onun hüdudlarından kənarda mövcuddur. Belə söhbətlərdə həm ifrat, həm də fərziyyələr var.

Amma elə şeylər də var ki, Rusiya ayıq-sayıq baxmalı və ən azından ciddi problemlərin mövcudluğunu görməlidir. Əminəm ki, bu “kədərli vətənpərvərlik”dən daha vacibdir”.

“Qafqaz tarixində yeni mərhələnin şahidi oluruq ki, bu mərhələ Rusiya və onun vətəndaşları üçün əvvəlkindən daha çətin olacaq. Ancaq çətinliklər xarakteri sərtləşdirir. Bunu kəşf edən biz deyilik”, – analitik söyləyib.

Ekspertin fikrincə, istənilən uzaqlaşdırma hökm deyil, geri çəkilmə isə təkcə hərbi əməliyyatların deyil, həm də böyük geosiyasət üçün tamamilə qanuni tədbirdir.

Qeyd edək ki, bir müddət əvvəl Rusiya prezidentinin mətbuat katibi Dmitri Peskov jurnalistlərə Rusiya sülhməramlılarının Qarabağdan çıxarılmasının başlandığını təsdiqləyib. Bundan əvvəl isə yerli mətbuatda Rusiya hərbi karvanının Qarabağa bitişik rayonlardan necə keçdiyini əks etdirən videogörüntlər yayılmışdı.

Xatırladaq ki, Ermənistanın Baş naziri Nikol Paşinyan, Azərbaycan Prezidenti İlham Əliyev və Rusiya prezidenti Vladimir Putinin imzaladığı üçtərəfli sənədə əsasən, 2020-ci ildə 44 günlük müharibədən sonra sülhməramlılar Qarabağa daxil olmuşdu.

Rafi Müslümov

Bütün xəbərləri reklamsız oxumaq üçün

Günlük ölkədə baş verən xəbərləri bizdən izlə.

Seçilən
283
16
yenicag.az

10Mənbələr