Mövcud maliyyə axınının artırılması iqlim dəyişikliyi məqsədlərinə nail olmaq üçün lazım olan iqtisadi və sosial dəyişikliklərə nail olmaq üçün açardır.
"Report"un Tbilisiyə ezam olunmuş əməkdaşının verdiyi məlumata görə, bunu Asiya İnkişaf Bankının (ADB) Baş direktoru Vu Çonq Um Gürcüstanın paytaxtında ADB-nin 57-ci illik toplantısı çərçivəsində keçirilən “Transformasiya üçün iqlim dəyişikliyinə qarşı mübarizə sahəsində nəticələrin əldə edilməsi” adlı seminarda bildirib.
Onun sözlərinə görə, dünyanın müxtəlif yerlərində ekstremal hava hadisələrinin sayı getdikcə artır: "İqlim dəyişikliyinin təsirləri görünməmiş quraqlıqlardan dağıdıcı daşqınlara qədər getdikcə aydınlaşır və onlar əvvəlkindən daha tez-tez baş verir”.
