.jpg)
Xarici işlər nazirinin müavini Sergey Ryabkov nüvə doktrinasının dəyişdirilməsinin mümkünlüyünü şərh edib. Onun sözlərinə görə, ABŞ və NATO-nun çağırışları “əsas sənədləri ehtiyaclara uyğun olaraq” redaktə etmək ehtiyacını aktuallaşdırır.
ABŞ və onun NATO müttəfiqlərinin qəbuledilməz və eskalator hərəkətləri nəticəsində artan çağırışlar, şübhəsiz ki, qarşımızda nüvə silahından çəkindirmə sahəsində əsas sənədlərin cari ehtiyaclara daha necə uyğunlaşdırıla biləcəyi ilə bağlı dolğun sual yaradır",-S.Ryabkov bildirib.
“Təcrübəmizdə müvafiq qərarlar qəbul etməmişdən əvvəl hansı növ dəyişikliklərin edilə biləcəyi barədə ilkin məlumat yoxdur”, - o əlavə edib və dünyada vəziyyətin daha da mürəkkəbləşməyə meylli olduğunu vurğulayıb.
Mayın 21-də Vladimir Putinin göstərişi ilə qeyri-strateji nüvə silahlarından istifadə üzrə təlimlər başlayıb. Təlimlər “Qərb rəsmilərinin təxribatçı bəyanatlarına və təhdidlərinə” cavab olaraq başlayıb. Eyni zamanda, prezident vurğulayıb ki, Rusiya “nüvə silahı ilə hədələmir”.
Xarici KİV nümayəndələri ilə görüşdə Vladimir Putin bildirib ki, nüvə doktrinasına əsasən, suverenlik və bütövlük üçün təhlükə yarandığı halda Rusiya bütün vasitələrdən istifadə edə bilər. Prezident, həmçinin bildirib ki, Rusiyanın nüvə silahından istifadə etməsi Ukrayna ərazisində hərbi əməliyyat zamanı “problemin həlli sürətini artıra bilər”, lakin qeyd edib ki, hərbçilərin həyatı və sağlamlığı bundan daha vacibdir.
S.ELAY
XQ
