Şəmkirdə avtomobil AŞIB – Xəsarət alanlar var

Şəmkirdə maşın aşdı, iki nəfər xəstəxanalıq oldu.

Şəmkir-Gədəbəy avtomobil yolunda xəsarətlə nəticələnən yol-nəqliyyat hadisəsi baş verib.

Bizim.Media-nın yerli bürosunun məlumatına görə avtomobil yolunun Şəmkir rayon Çənlibel ərazisində “VAZ 2107” markalı avtomobilin sürücüsünün idarəetməni itirməsi nəticəsində maşın aşıb. Hadisə zamanı 2000-ci il təvəllüdlü Ə.Həsənov və avtomobildə olan daha bir nəfər müxtəlif dərəcəli bədən xəsarətləri alaraq xəstəxanaya yerləşdiriliblər.
Faktla bağlı araşdırma aparılır.

Məqsəd Rəhimov, Bizim.Media, Qərb Bürosu