Rusiya güləşçiləri avqustun 5-11-də Parisdə keçiriləcək Yay Olimpiya Oyunlarında iştirak etməyəcəklər.
“İki sahil” xəbər verir ki, bu barədə Rusiya Güləş Federasiyası məlumat yayıb.
Bildirilib ki, Rusiya idmançıları 18 mümkün olimpiya lisenziyasından 16-nı qazanıb. Lakin Beynəlxalq Olimpiya Komitəsi titullu güləşçilər Abdulraşid Sadullayev, Zaurbek Sidakov, Zaur Uquyev, Musa Evloyev və Rusiya yığmasının digər rəhbərlərinin iştirakına icazə verməyiblər:
“Bununla əlaqədar Rusiya Güləş Federasiyasının İcraiyyə Komitəsində sərbəst, qadın və yunan-Roma güləşi üzrə Rusiya yığmalarının məşqçilər heyəti və Olimpiya Oyunlarına dəvət almış idmançılarla geniş tərkibdə görüş keçirilib. Onların Olimpiya Oyunlarında iştirak etməməsi barədə yekdil qərar verilib".