Apple yeni dizayn dəyişiklikləri sayəsində "iPhone-16" ilə həddindən artıq qızma problemlərini həll etməyi hədəfləyir.
Modern.az xarici mətbuata istinadən xəbər verir ki, Apple gələn ilin sentyabr ayında yeni "iPhone" modellərini təqdim etməyə hazırlaşır. Məlumata görə, şirkət yeni modellərdə istilik problemlərinin qarşısını almaq üçün bəzi tədbirlər görəcək.
Belə ki, “iPhone-16” modellərinin korpusunda daha böyük qrafit lövhə olacaq. Bu da cihazı mümkün qədər isinmə vəziyyətlərindən qorumağa kömək edəcək.
Qeyd edək ki, keçən il buraxılan "iPhone-15 Pro" və "iPhone-15 Pro Max" modellərində istifadəçilərin yaşadığı istilik problemlərindən sonra Apple həll yolu axtarır.
"iPhone-16" modelləri yeni "A17 Pro" və qarşıdan gələn "A18 Pro" çiplərindən istifadə edərək tərtibatçılara yeni emal gücündən tam istifadə etməyə imkan verəcək. Bu daha yüksək qrafika və daha çox istilik istehsalı deməkdir.
"Cebheinfo.az"