app.update_app_description
Amerikalı müğənni Ledi Qaqa (Stefani Cermanotta) beş ildir münasibətdə olduğu biznesmen Maykl Polanski ilə evlilik yolunda olduğunu təsdiqləyib.
Oxu.Az-ın "Daily Mail"ə istinadla verdiyi məlumata görə, ulduz aktrisa bu barədə Fransa Baş naziri Qabriel Attal ilə söhbətində elan edib.
Bildirilib ki, müğənni ilə fransalı siyasətçinin söhbəti Olimpiya Oyunları çərçivəsində baş tutub. Ledi Qaqa sevgilisini təqdim edərkən onu nişanlısı adlandırıb.
Qeyd edək ki, sevgililər ümumi dostun məclisində tanış olublar. Bununla belə, müğənni rəsmi olaraq ictimaiyyətə bu münasibət haqqında məlumat verməyə tələsməyib. Stefani indi də şəxsi həyatı haqqında nadir hallarda şərh verir.
Bu ilin aprelində sosial şəbəkələrdə Ledi Qaqanın mümkün nişanlanması barədə aktiv müzakirələr başlayıb. Həmin vaxt paparatsiyalar müğənnini barmağında üzüklə çəkmişdilər. Müğənninin özü isə bu xəbərləri heç cür şərh etməmişdi.
![](https://images.oxu.az/2024/07/29/jVMJ5A1LAKkj00Zo6igz87RMNbDnZzzusFFXnGMM:450.jpg)
![](https://images.oxu.az/2024/07/29/rhVCG4mQC3AtlMvQElCdTA3fM4oZNHD7KTg4rTC0:450.jpg)
![](https://images.oxu.az/2024/07/29/bqlDfYHbo4JhqbFoHGsPx6uNJ5SZcUmnr3Mz46y5:450.jpg)
![](https://images.oxu.az/2024/07/29/I7TiX2n94Ci8kyzxS3S2bEEZTh5xUPmacqJfFqBt:450.jpg)