Hindistandan Almaniyaya uçan sərnişin təyyarəsi bomba həyəcanına görə Ərzurum hava limanında məcburi eniş edib.
“Qafqazinfo” “TRT Haber”ə istinadən xəbər verir ki, təyyarə təxliyyə edilib və şəhərin hava məkanı uçuşlara bağlanıb.
Hazırda bombanın zərərsizləşdirilməsi üzrə mütəxəssislər təyyarədə axtarış aparır.
Ərzurum valisi Mustafa Çiftçi hadisə ilə bağlı açıqlama yayıb.
“Havada bomba təhlükəsi olanda Vistara Hava Yollarına məxsus təyyarə ilk olaraq Ordu Hava Limanına enmək istəyir. Amma abadlıq işləri getdiyi üçün Trabzona istiqamətləndirirlər. Oradan da Ərzuruma eniş təyin olunub”, - deyə bildirib.
Vistara Hava Yolları da təcili enişlə bağlı açıqlama verib.
“Bombay-Frankfurt (BOM-FRA) UK27 reysi təhlükəsizlik səbəbiylə Türkiyəyə (Ərzurum hava limanı) istiqamətləndirilib və saat 17.05-də təhlükəsiz şəkildə eniş edib”.
