İsrail kəşfiyyatı "Hizbullah"a necə sızıb? - Keçmiş MOSSAD zabiti açqladı

MOSSAD-ın keçmiş yüksək rütbəli zabiti Miri Eysin "Financial Times"a (FT) deyib ki, casuslar "Hizbullah" hərəkatına qrupun İran və Suriya ilə əlaqələrini öyrənməklə daxil edilib. 

Bizimxeber.az xəbər verir ki, onun sözlərinə görə, "Hizbullah" Suriyadakı vətəndaş müharibəsi üçün fəal şəkildə yeni döyüşçülər cəlb edib və bu da İsrail kəşfiyyatına bura casusları sızdırmaq imkanı verib.

Qəzetin həmsöhbəti bildirib ki, İsrail "Hizbullah"ın keçmiş baş katibi Həsən Nəsrullahı öldürmək üçün üç dəfə cəhd edib. Uğursuz cəhdlərdən sonra kəşfiyyat öz yanaşmasını əsaslı şəkildə dəyişib və səylərini yenidən cəmləşdirib. Belə ki, MOSSAD təkcə Livan hərəkatının hərbi qanadına deyil, həm də qrupun siyasi ambisiyalarına diqqət yetirib.

Miri Eysin qeyd edir ki, Suriyadakı müharibə səbəbindən İsrail kəşfiyyatına çoxlu məlumat daxil olub. Onların arasında o, "Hizbullah"ın nekroloqlarını qeyd edir, burada döyüşçülər, onların öldüyü yerlər, eləcə də tanışlıq dairələri haqqında məlumatlar açıqlanır. Qəzetin həmsöhbətinin sözlərinə görə, müxtəlif "Hizbullah" üzvlərinin dəfn mərasimləri "daha ​​açıq-aşkar" olub, çünki hərəkatın yüksək səviyyəli komandirləri kölgədən çıxıblar. Keçmiş yüksək səviyyəli Livan siyasətçisi nəşrə deyib ki, Suriya prezidenti Bəşər Əsədə vətəndaş müharibəsində kömək etməkdə Livanın qiyməti İsrail kəşfiyyatının uğuru olub.

"Le Parisien” qəzetinin yazdığına görə, "Hizbullah" baş katibinin Beyrutdakı qərargahında olması ilə bağlı məlumatı İsrailə bir iranlı köstəbək verib. Sui-qəsddən əvvəl baş katib "Hizbullah" bölməsinin komandirinin dəfn mərasimində iştirak edib. Bundan sonra baş katib qərargaha gedib və orada 12 hərəkat komandiri ilə görüşüb. Nəşrin məlumatına görə, İsrail xidmətləri casusdan onların hamısının eyni otaqda olması barədə mesaj gözləyirmiş.

"Hizbullah”ın keçmiş baş katibi, son 32 ildə bu vəzifədə olan Həsən Nəsrullah sentyabrın 27-də İsrailin Beyruta endirdiyi zərbə nəticəsində öldürülüb. Onun ölümünü sonradan Livan hərəkatının özü də təsdiqlədi. Ynet portalının məlumatına görə, baş katibi aradan qaldırmaq üçün İsrail ordusu cənab Nəsrullahın yeraltı bunkerinin yerləşdiyi əraziyə 80 hava bombası atıb.