ABŞ Rusiyaya qarşı sanksiya siyahısını genişləndirib.
Xalqcebhesi.az xəbər verir ki, bu barədə ABŞ Maliyyə Nazirliyindən məlumat verilib.
Sanksiya siyahısına aşağıdakı şəxs və qurumlar əlavə edilib:
- Rusiya Silahlı Qüvvələrinin Baş Hərbi-Siyasi İdarəsinin rəisi Viktor Qoremikin;
- Dövlət katibi - müdafiə nazirinin müavini, Vətən Müdafiəçiləri Fondunun sədri Anna Tsivileva;
- Rusiya Federasiyası Müdafiə Nazirliyinin rəis müavini Aleksandr Fomin;
- Rusiya müdafiə nazirinin müavini Andrey Buliqa;
- Rusiya Federasiyası Müdafiə nazirinin müavini Pavel Fradkov;
- Transmaşholdinqin baş direktoru Kirill Lipa;
- Moskva Aviasiya İnstitutu;
- Şin istehsalçısı "Cordiant" şirkəti;
- "Chip and Dip Company" şirkəti;
- "Zvezda" AES;
- Rosatomun strukturuna daxil olan iki şirkət;
- "Ulyanovsk Avtodom" MMC.
Ümumilikdə 20 Rusiya vətəndaşı ABŞ-ın məhdudlaşdırıcı tədbirlərinə məruz qalıb. Bundan əlavə, iki Çin vətəndaşı, dörd Türkiyə vətəndaşı, iki Hindistan vətəndaşı, iki İsveçrə vətəndaşı, bir Yunanıstan vətəndaşı və bir Çili vətəndaşı ABŞ sanksiyalarına məruz qalıb.
