Azərbaycan çempionu “Qarabağ” bu gün Avropa Liqasının 2024/2025 mövsümünün Liqa mərhələsində “Elfsborq”la qarşılaşıb.
Arena.az xəbər verir ki, Ağdam klubu İsveç təmsilçisi ilə səfərdə üz-üzə gəlib.
Liqa mərhələsinin 6-cı turu çərçivəsində baş tutan bu qarşılaşmanı Portuqaliyadan olan hakimlər briqadası idarə edib.
Azərbaycan çempionu “Elfsborq”la oyuna ciddi itkilərlə çıxmışdı. Belə ki, müdafiəçilər – Bəhlul Mustafzadə və Kevin Medina, eləcə də yarımmüdafiəçi Aleksey İsayev İsveçdəki matçı buraxırdılar. Onların hamısı zədə səbəbindən komandaya kömək edə bilmirdi.
Qarşılaşmanın taleyini bir qol həll edib. Meydan sahibləri ikinci hissənin əvvəlində vurduqları qol sayəsində bu oyunu qalib başa vurublar. Beləcə, Ağdam təmsilçisi Avroliqanın Liqa mərhələsində keçirdiyi 6-cı oyunda 5-ci məğlubiyyətinə üzülüb. Komandamız bu mərhələdə hələlik bir qələbə qazana bilib.
Avropa Liqası
Liqa mərhələsi, 6-cı tur
12 dekabr
“Elfsborq” – “Qarabağ” 1:0
Qol: Ahmed Qasem, 57.
Baş hakim: Antanio Nobre
Baş hakimin köməkçiləri: Pedro Ribeyro, Nelson Pereyra
Dördüncü hakim: Bruno Migel Karmo Vyeyra
VAR: Huqo Migel
AVAR: Andre Narkizo (Hakimlər briqadası Portuqaliyadandır)
Hakim-inspektor: Stefano Podeski (San Marino).
UEFA nümayəndəsi: Yan Atkins (İngiltərə).
“Boras Arena”. Saat 00:00.
Elfsborq: 31. İsak Pettersson, 2. Terri Yeqbe, 8. Sebastyan Holmen (k), 9. Arber Zeneli, 10. Mixael Baydo, 15. Simon Hedlund, 16. Timoti Uma, 18. Ahmed Qasem, 23. Niklas Hult, 27. Besfort Zeneli, 29. Buhari İbrahim.
Ehtiyat oyunçular: 1. Melker Uppenberq, 30. Markus Sorensen, 4. Qistav Henriksson, 5. Frode Aronsson, 7. Yens Tomasen, 12. Emil Holten, 13. Yohan Larsson, 14. Calal Abdullai, 19. Rami Kaib, 20. Qottfrid Rapp, 26. Lüdviq Rixtner, 28. Leo Östman.
Baş məşqçi: Oskar Hilyemark.
Qarabağ: 99. Mateuş Koxalski, 2. Mateus Silva, 6. Julio Romao, 7. Yassin Benzya, 8. Marko Yankoviç, 10. Abdullah Zubir, 18. Olavio Juninyo, 21. Aleksey Kaşuk, 29. Marko Veşoviç, 44. Elvin Cəfərquliyev, 55. Bədavi Hüseynov (k).
Ehtiyat oyunçular: 12. Sadiq Məmmədzadə, 97. Fabiyan Buntiç, 11. Emmanuel Adday, 15. Leandro Andrade, 20. Riçard Almeyda, 22. Musa Qurbanlı, 27. Toral Bayramov, 30. Abbas Hüseynov, 66. Patrik Andrade, 90. Nəriman Axundzadə.
Baş məşqçi: Qurban Qurbanov.
