1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Ukrayna Ali Radası üç əsas nazirin istefasını təsdiqləyib.
Oxu.Az-ın TASS-a istinadla məlumatına görə, bu barədə deputat Yaroslav Jeleznyak məlumat verib.
Onun sözlərinə görə, Avropa və Avro-Atlantik inteqrasiya məsələləri üzrə baş nazirin müavini Olqa Stefanişina, ədliyyə naziri Denis Malyuska və ətraf mühitin və təbii sərvətlərin mühafizəsi naziri Ruslan Strelets öz vəzifələrindən gediblər.
Hər bir nazirin istefası üçün 229 deputat səs verib.
Qeyd etmək lazımdır ki, Denis Malyuska səsvermə zamanı iclas zalında iştirak edib, ancaq Ruslan Strelets iclasa qatılmayıb.
Jeleznyakın məlumatına görə, Stefanişina artıq bu gün Ukraynanın ədliyyə naziri vəzifəsinə təyin ediləcək, ancaq eyni zamanda ölkənin Avropa inteqrasiyası məsələlərinə nəzarət etməyə davam edəcək.
