Yon Dahl Tomasson futbol üzrə İsveç millisinin son 60 ildən çox müddətdə ilk əcnəbi məşqçisidir.
İdman.biz xəbər verir ki, 48 yaşlı danimarkalı 2024-cü ilin fevralından bu komandanı çalışdırır.
Onun rəhbərliyi ilə isveçlilər 4 oyundan yalnız birində qalib gəlib, qalanlarında isə məğlub olublar. Tomassonun məşqçi kimi ən böyük uğuru isə 2020 və 2021-ci illərdə "Malmö" ilə İsveç çempionu titulunu qazanmasıdır.
Danimarkalıdan əvvəl İsveç millisinə rəhbərlik edən sonuncu əcnəbi 1961-ci ildə ingilis Corc Raynor olub.
Xatırladaq ki, UEFA Millətlər Liqası çərçivəsində bu gün Bakıda Tofiq Bəhramov adına Respublika stadionunda keçiriləcək Azərbaycan - İsveç qarşılaşması saat 20:00-da start götürəcək.
İdman.biz
