Ukrayna Prezidenti Volodimir Zelenski Ukraynanın Müdafiəsi üzrə Təmas Qrupunun iclasında iştirak etmək üçün Almaniyanın Ramşteyn aviabazasına gedib.
Yeniavaz.com xəbər verir ki, bu barədə dövlət başçısı “Telegram” kanalında məlumat dərc edib.
Zelenski ABŞ və Almaniya müdafiə nazirləri Lloyd Ostin və Boris Pistoriusla görüşməyi, həmçinin tərəfdaşlardan uzunmüddətli həllər əldə etmək üçün kansler Olaf Şoltsla danışıqlar aparmağı planlaşdırdığını bildirib.
“Artıq elan edilmiş dəstək paketlərindən olan bütün silahlar döyüş briqadalarına çatdırılmalıdır. Mən qrupun iclasında iştirak edəcəyəm, ABŞ və Almaniyanın müdafiə nazirləri Lloyd Ostin və Boris Pistoriusla görüşəcəyəm. Həmçinin, Kansler Olaf Şoltsla ayrıca danışıqlar aparacağam”, - deyə Ukrayna Prezident bildirib.
Zelenski Almaniyadan sonra İtaliyaya gedəcəyini və burada Ambrosetti Beynəlxalq İqtisadi Forumunda iştirak edəcəyini bəyan edib.
Zelenski həmçinin bu səfərində İtaliya biznesinin nümayəndələri ilə görüşəcəyini və Baş nazir Giorgia Meloni ilə danışıqlar aparacağını bildirib.
“Biz G7-nin bütün müttəfiqləri ilə mövqelərimizi əlaqələndiririk”, - Zelenski əlavə edib.

• Prezident
• Iclas
• Abş
• Almanya
• Görüş
• Almaniya
• Ukrayna
• Zelenski
• Müdafiə
• Volodimir Zelenski
• Ukrayna Prezidenti
• Toplantı
• Dövlət Başçısı
• Kansler
• Savunma
• Aviabaza
• Üzrə
• Boris Pistorius
• Lloyd Ostin
• Təmas Qrupu
• Getmək
• Müdafiəsi
• Olaf
• Ramşteyn
• Ramşteyn Aviabazası
• Ramşteyn Aviabaza
• Tbt