"Çelsi"nin yarımmüdafiəçisi Mixail Mudrik yaxın vaxtlarda komandanı tərk etmək fikrində deyil.
90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb.
O “Çelsi”nin Mudriklə bağlı digər klublarla heç bir danışıqları aparmadığını və 23 yaşlı futbolçunun özü də özünü sübut edib əsas komandaya düşmək niyyətində olduğunu qeyd edib.
Qeyd edək ki, “təqaüdçülər”in liderləri ukraynalının ilin sonuna qədər forma alacağını və meydanda parlayacağını gözləyirlər.
Xatırladaq ki, Mudrik “Çelsi”yə 2023-cü ilin yanvarında Donetsk “Şaxtyor”undan keçmişdi. Bu mövsüm ukraynalı gənc "mavilər"lə İngiltərə çempionatında cəmi iki oyun keçirib.
