"Abşeron"da yeni məşqçi

“Abşeron" basketbol klubunun baş məşqçisi Erhan Tokerin daha bir koməkçisinin adı açıqlanıb. Matc.az xəbər verir ki, bu barədə klubun mətbuat xidmətindən məlumat verilib. Emin Cəfərovla mövsümün sonuna qədər müqavilə imzalanıb. Mütəxəssis ilk dəfə yüksək liqa komandasının məşqçilər korpusunda yer alacaq. Qeyd edək ki, Azərbaycan millisinin, "Qala", "Neftçi" və "Şəki" klublarının şərəfini qorumuş Emin Cəfərov məşqçi kimi aşağı yaş qrupları üzrə komandalarda çalışıb.