“Zirə”nin futbolçusu Ruan Renato Azərbaycan çempionatlarında 100-cü oyununu keçirib.
30 yaşlı braziliyalı müdafiəçinin yubileyi Azərbaycan Premyer Liqasının IX turuna təsadüf edib.
Renato “Turan Tovuz”la səfər matçına start heyətində çıxıb. O, Premyer Liqada keçirdiyi 100 oyunda 5 qol vurub.
Futbolçu Azərbaycanda iki komandada forma geyinib. “Qəbələ”də 59 görüşdə 4 qola sevinən müdafiəçi “Zirə”də keçirdiyi 41 qarşılaşmada 1 dəfə fərqlənib.
Onun debütü 2021/2022 mövsümünə təsadüf edib. Renato 2021-ci il avqustun 15-də “Neftçi” – “Qəbələ” oyununda (2:2) meydana çıxıb.
Qeyd edək ki, “Turan Tovuz” – “Zirə” görüşündə meydan sahibləri 1:0 hesablı qələbə qazanıblar.
