İlin əvvəlindən Asiya ölkələri Rusiya neftinin alışını 5% azaldıb və sutkada 3,24 milyon barel təşkil edib. Nəticədə, Rusiya Federasiyasının ümumi idxaldakı payı bir il əvvəlki 14,6%-dən 14,1%-ə qədər azalıb...
Poliqon xəbər verir ki, bu barədə "Kommersant" qəzeti "Vortexa" məlumatlarına istinadən yazıb.
Bu gün region Rusiya neftinin dəniz yolu ilə çatdırılması üçün əsas bazardır. Son məlumatlara görə, Rusiya Federasiyasından bütün dəniz enerjisi ixracının 95%-i Asiya ölkələrinin payına düşür.
Bundan əlavə, yanvar-sentyabr aylarında Asiya Səudiyyə Ərəbistanından neft idxalını da azaldıb. Azalma 7% təşkil edərək 4,93 milyon barel/gün təşkil edib. Ölkənin ümumi tədarükdə payı 22,7%-dən 21,4%-ə düşüb.
Bu arada, Asiyanın digər əsas neft idxalçıları - BƏƏ (13%), İraq (10%) və ABŞ (7%) Asiya bazarına tədarük həcmini ümumilikdə 250 min barel artırıb.
Son dörd həftə ərzində Rusiyanın neft ixracı iyunun sonundan bəri ən yüksək səviyyəyə yüksələrək sutkada 3,47 milyon barel olub.
Poliqon.info
