“Fakel”in qapıçısı Vitali Qudiyev Rusiyanın “Sport-Ekspress” qəzetinə verdiyi müsahibədə gələcəkdə hansı milli komandada oynamaq istədiyini açıqlayıb.
– Sizin Azərbaycan kökləriniz var. Rusiya komandası ilə alınmasa, Azərbaycan yığması variantını nəzərdən keçirirsiniz?
– Bununla bağlı bəzi söz-söhbətlər oldu… Amma yox, mən Rusiya millisində çıxış etmək istərdim.
– Yəni, hazırda prioritet Rusiya komandasıdır?
– Bəli, bəli.
“Fakel” komandasının qapıçısı bu mövsüm bütün turnirlərdə 9 oyun keçirib. O bu oyunlarda 15 qol buraxıb. “Transfermarkt” portalı qapıçını 350 min avro dəyərləndirir.
Xatırladaq ki, futbolçunun atası Kazimir Qudiyev Azərbaycan millisinin sabiq qapıçısıdır.
