Gəncədə mənzildə yanğın oldu - VİDEO

Gəncədə mənzillərdən birində yanğın hadisəsi baş verib.

Bizim.Media-nın yerli bürosunun məlumatına görə, hadisə şəhərin Zərifə Əliyeva küçəsi, bina 6, mənzil 7 ünvanında ikimərtəbəli tikililərdən birində baş verib.

Yanğın nəticəsində iki otaqlı evin bir otağı yanıb, ikinci otağa yanğının keçməsinin qarşı alınıb.
Hadisə zamanı ev sahibi mənzildə olmadığından qonşular FHN-in Gəncə şəhər Dövlət Yanğından Mühafizə İdarəsinə zəng edib və hadisə yerinə iki yanğınsöndurən avtomobil və 20-ə yaxın canlı qüvvə cəlb olunub. FHN-in əməkdaşlarının köməkliyi ilə yanğın söndürülüb və alovun qonşu mənzilə keçməsinin qarşısı alınıb.

İlkin məlumata görə, hadisəyə səbəb elektrik naqillərində olan qısaqapanmadır.

Faktla bağlı araşdırma başlanılıb.


Məqsəd Rəhimov, Bizim.Media, Qərb Bürosu

• Gəncə
• Hadisə
• Yanğın
• Mənzil
• Fhn