Braziliya millisinin baş məşqçisi Dorival Junior “selesao”nun və “Real”ın ulduzu Vinisius Juniorun “Qızıl top”suz qalmasını şərh edib.
Arena.az xatırladır ki, “Qızıl top”a əsas namizəd göstərilniş “Vini”nin, təqdimat mərasiminə bir neçə saat qalmış məlumat sızıntısı nətixəsində ən nüfuzlu mükafatı almayacağı məlum olub.
Təşkilatçılar “Qızıl top”u İspaniya yığmasının və “Mançester Siti”nin dayaq yarımmüdafiəçisi Rodriyə təqdim ediblər. Braziliyalı futbolçu isə ikinci olub. Vinisius başda olmaqla, “Real”ın nümayəndə heyəti isə mərasimə qatılmayıb.
“Mənim fikrimcə, bu, ədalətsiz bir vəziyyətdir. Xüsusən də bu, fərdi mükafat olduğu üçün. Mükafatı kiminsə alacağına heç kim etiraz etmir. Əksinə, bu, İspaniya futbolunun böyük oyunçularından biri üçün tanınmadır, amma Vinisiusa gördüyü işlərə görə fərqli diqqət yetirilməli idi.
Bununla belə, Vinisiusun qazandığı ən böyük mükafat öz xalqının tanınması və hörməti idi. Braziliyalıların böyük əksəriyyəti, mükafatı layiqincə ala biləcək oyunçuya qarşı edilmiş haqsızlığı hiss etdilər”, “Goal” dərgisi Dorival Juniordan sitat gətirir.
