.jpg)
Kanadada aparılan araşdırmaya görə, meyvə ətirli elektron siqaretlərin, xüsusilə böyürtkən ətirlilərin ağciyərlərə çox zərərli olduğu müəyyən edilib.
İqtisadiyyat.az xəbər verir ki, bu barədə "McGill" universiteti araşdırma aparıb.
Araşdırma, meyvə ləzzətlərinin ağciyərlərin təbii müdafiəsini zəiflətdiyini və bədənin zərərli mikrobların qarşısını almasını çətinləşdirdiyini müəyyən edib. Araşdırmalara görə, meyvə ətirli elektron siqaretlərin tərkibindəki kimyəvi komponentlər ağciyər hüceyrələrində müdafiə yollarını bağlayır. Bu vəziyyət orqanizmin zərərli mikroblara qarşı müdafiəsini zəiflədir və xüsusilə ağciyərlərdə immun hüceyrələrin hərəkətlərini dəyişir.
Siçanlar üzərində aparılan testlərdə böyürtkən ətirli elektron siqaretlərin ağciyər immun hüceyrələrini iflic etdiyi və onların bakteriyalara qarşı müdafiəsinə mane olduğu müşahidə olunub. Bu, siçanlarda sağ qalma müddətinin azalmasına səbəb olub.
Araşdırmada meyvə ətirli elektron siqaretlərin sağlamlığa təsirləri ilə bağlı mühüm xəbərdarlıqlar edilərkən, bu cür məhsulların gənclər arasında yayılmasının qarşısı alınmalı olduğu vurğulanır.
Gözəl Həşimova
