Ukrayna Silahlı Qüvvələri 70 raket və 33 pilotsuz uçuş aparatından istifadə etməklə gün ərzində Belqorod vilayətinə zərbələr endirib.
“Cebheinfo.az” xəbər verir ki, bu barədə vilayət qubernatoru Vyaçeslav Qladkov özünün "Telegram" kanalında məlumat verib.
"Şebekinsky bələdiyyə rayonunda atəş zamanı 35 artilleriya mərmisi və 9 PUA-dan istifadə edilərək hücumlar edildi. Atəş zamanı fərdi evlərə ziyan dəyib, bir yardımçı tikili, yeddi avtomobil və bir elektrik xəttinə zədələnib”,-deyə o yazıb.
“Volokonovski rayonu, Novoe və Plotvyanka kəndlərində üç pilotsuz uçuş aparatından 10 partlayıcı qurğu atılıb. Bir fərdi yaşayış evi yararsız hala düşüb və 3 avtomobilə qəlpələrə düşüb”, - deyə rayon rəhbəri bildirib.
