Bir çox insanlar balıq bişirərkən yayılan kəskin qoxulara görə evdə balıq bişirməkdən çəkinirlər. Bu bişirmə üsulları evdə qoxu gəldiyi üçün balıq yeyə bilməyənlər üçün rahatlıq təmin edir. Mütəxəssislərin tövsiyə etdiyi praktik üsullarla həm sağlam qidalana, həm də evinizi pis qoxulardan qoruya bilərsiniz.
Sherg.az balıq bişirərkən evinizdə pis qoxuların qarşısını almaq üçün məsləhətləri təqdim edir.
Balıq, tərkibindəki omeqa-3 yağ turşuları və zülalları ilə sağlam qidalanmanın vazkeçilməzləri arasındadır. Araşdırmalar göstərir ki, müntəzəm balıq istehlakı uşaqların intellektinin inkişafına müsbət təsir göstərir və yuxu keyfiyyətini artırır.
Mütəxəssislər həftədə ən azı bir dəfə balıq istehlak etməyi məsləhət görürlər. Ancaq evdə balıq bişirməklə yaranan qoxular bir çox insanın bu sağlam vərdişdən uzaq olmasına səbəb olur. Xoşbəxtlikdən, aşpazların sirləri bu problemi tamamilə aradan qaldırır!
Balıq qoxusunun qarşısını almaq üçün effektiv üsullar
Balıq qızardarkən tavaya bir neçə damcı limon suyu əlavə etmək qoxunun böyük hissəsini neytrallaşdırır.
Bişirərkən qazana bir az sirkə və ya dəfnə yarpağı əlavə edin. Bu üsul balıq qoxusunu əhəmiyyətli dərəcədə azaldır. Qızardarkən yağa bir neçə budaq cəfəri əlavə etmək də təsirli bir həll olacaq.
Sobada bir neçə limon qabığı yandırmaqla balıq qoxusunu boğub evinizə xoş ətir qata bilərsiniz.
Balıqları bişirdikdən sonra qazanınızı sirkəli su ilə yuyun. Bu proses qoxunun mətbəxdə qalmasının qarşısını alır. Bişirdiyiniz tavada qaynadılan vanil suyu pis qoxunu yox edir və evinizdə xoş bir qoxu yaradır.
