Litva prezidenti Gitanas Nauseda hesab edir ki, Qərb ölkələrinin Rusiya ərazisinin dərinliklərinə qədər uzaq mənzilli raketlərlə hücumlara dair Ukraynaya qoyulan məhdudiyyətləri aradan qaldırması müharibədə dönüş nöqtəsi olacaq. Mətbuat Kiyevə belə icazənin Vaşinqton, London və Paris tərəfindən verilməsi barədə yazıb.
Bu barədə Litva dövlət başçısının “Tvitter” hesabında xəbər verilib.
Litva Prezidenti müvafiq qərarı alqışlayıb.
“Ukraynanın Rusiyadakı hərbi hədəfləri artıq uzaqmənzilli raketlərlə hədəfə ala biləcəyi gün gəlib çatdı, bu, Ukrayna üçün təcavüzkar Rusiyaya qarşı mübarizədə həlledici məqamdır”, - Nausėda sosial şəbəkədə yazıb.
Eyni zamanda, Litva lideri qeyd edib ki, Rusiyanın Ukraynaya qarşı irimiqyaslı hərbi təcavüzünə son qoymaq yalnız güclü mövqedən mümkündür.
Oxuməni.az
