COP29 bizim üçün davamlı gələcəyə doğru kursu təyin etmək üçün mühüm fürsətdir. Biz Azərbaycanın təkcə COP29-a ev sahibliyi edən ölkə kimi deyil, həm də ambisiyaya və inklüzivliyə malik liderlər kimi görünməsini təmin etməyə sadiqik. Missiya.Az AZƏRTAC-a istinadən xəbər verir ki, bu sözləri COP29-un İqlim dəyişmələri üzrə yüksəksəviyyəli çempionu Nigar Arpadarai Xəzər dənizinin ekologiyası mövzusunda keçirilən QHT-lərin beynəlxalq forumunda söyləyib.“Biz elm və biznesi birləşdirərək Xəzər regionunda və onun hüdudlarından kənarda iqlimə davamlılıq üçün lazım olan transformativ dəyişikliyi idarə edə bilərik. Biz birlikdə davamlı gələcəyə ədalətli və effektiv keçidi təmin edə bilərik”, - deyə o əlavə edib.
