NATO ölkələrinin Ukraynanın Rusiyanın dərinliklərinə uzunmənzilli raketlərlə zərbələrinin təmin edilməsində iştirak etmək cəhdləri cəzasız qalmayacaq.

Leqal.info xəbər verir ki, bunu Rusiyanın Xarici Kəşfiyyat Xidmətinin direktoru Sergey Narışkin "Nasionalnaya Oborona" jurnalına müsahibəsində bildirib.

O vurğulayıb ki, Rusiyanın nüvə silahından istifadə səbəblərinin siyahısını genişləndirilməsi əslində onun döyüş meydanında məğlubiyyətə uğrama ehtimalını istisna edir.

Narışkinin sözlərinə əsasən, Qərb bu sənədin təsdiqini ehtiyatla qarşılayıb, çünki onlar belə bir addımın ABŞ və NATO-nun Rusiyanı strateji məğlubiyyətə uğratmaq səylərini əhəmiyyətli dərəcədə dəyərdən saldığını başa düşürlər.

Rusiya Xarici Kəşfiyyat Xidmətinin direktoru qeyd edib ki, Qərb fəlakətli hərbi münaqişəyə qarışmamaq üçün Rusiya ilə münasibətlərdə daha çox təmkinli olmağın lazım olduğunu dərk edir.

Leqal.info