Aktyor, ssenarist Müşfiq Şahverdiyev məhkum olunub.
Oxu24.com "gununsesi.info"ya istinadən xəbər verir ki , “Cinemazadeh” şirkətinin rəhbəri Cəfər Axunzadə komediya aktyorunu məhkəməyə verib.
O, Müşfiq Şahverdiyevin Cinayət Məcəlləsinin 147-ci (Böhtan, yəni yalan olduğunu bilə-bilə hər hansı şəxsin şərəf və ləyaqətini ləkələyən və ya onu nüfuzdan salan məlumatları kütləvi çıxışlarda, kütləvi nümayiş etdirilən əsərdə və ya kütləvi informasiya vasitəsində yayma), 148-ci (Təhqir) maddələri ilə həbs edilməsini tələb edib.
Xətai Rayon Məhkəməsi iddianı qismən təmin edərək aktyoru Cinayət Məcəlləsinin 148-ci (Təhqir) maddəsi ilə təqsirli bilib və 1500 manat məbləğində cərimə edib.
Məhkəmədən məlumatı Modern.az-a təsdiqləyib.
