Milli Məclisin eks-deputatı, Demokratiya və İnsan Hüquqları Komitəsinin sədri, hüquq üzrə fəlsəfə doktoru Çingiz Qənizadə ədliyyə işçilərini peşə bayramı münasibətilə təbrik edib.
AzNews.az təbrikin mətnini təqdim edir:
“Çoxəsrlik dövlətçilik ənənəsi olan Azərbaycan Respublikasının ədliyyə sisteminin xalqımızın müstəqillik uğrunda mübarizəsini, onun şanlı keçmişini əks etdirən zəngin tarixi vardır. Ulu öndər Heydər Əliyevin ədliyyə sahəsinə göstərdiyi böyük qayğının təzahürü olaraq 11 noyabr 2000-ci ildə imzaladığı sərəncamla Ədliyyə Nazirliyinin ilk əsasnaməsinin təsdiq edildiyi gün – 22 noyabr Azərbaycan Respublikasının Ədliyyə İşçilərinin Peşə Bayramı günü təsis edilmişdir.
