Kanadanın Monreal şəhəri NATO əleyhinə kütləvi etirazların məkanına çevrilib. Minlərlə nümayişçi şəhərdə 22-25 noyabr tarixlərində keçirilən NATO Parlament Assambleyasının 70-ci sessiyasına etiraz edərək küçələrə çıxıb.
hakimiyyet.az-ın newsinfo.ru-ya istinadla verdiyi məlumata görə, bu barədə sosial şəbəkələrdə çoxsaylı kadrlar yayılıb.
Bildirilir ki, etirazlar tezliklə hüquq-mühafizə orqanları ilə zorakı toqquşmalara çevrilib. Polis gözyaşardıcı qaz və güc metodları ilə cavab verib.
Saxlanılan və xəsarət alanların sayı barədə məlumat hələlik yoxdur.
