Ötən həftə Ermənistan İTV-yə müsahibə verən baş nazir Nikol Paşinyan bir sıra məsələlərə toxunub. Tribunainfo.az xəbər verir ki, həmin məsələlərdən biri də “Qərbi Ermənistan”la bağlı olub.
Paşinyan bu sözün qıcıq yaratdığını, işlədilməsinin zərərli olduğunu deməklə yanaşı, həm də bunu Azərbaycanın Qərbi Azərbaycan yanaşması ilə eyniyyət təşkil etdiyini söyləyib. Daha doğrusu, Azərbaycanın məkan olaraq tarixi torpaqlarımızı Qərbi Azərbaycan adlandırmasını dolayısı ilə haqlı hesab edib.
Qeyd edək ki, onun bu sözləri bir sıra narazılıqlara səbəb olub. Erməni müxalifəti Paşinyan Qərbi Azərbaycanla “Qərbi Ermənistan” anlayışlarını eyniləşdirməsini “türkə yarınmaq”, “erməni düşmənçiliyi” hesab edib.
Lakin işin ilginc tərəfi odur ki, Fransanın Ermənistandakı səfiri Olivier Decotigny özünü ermənidən daha çox erməni kimi göstərib. Belə ki, o, İranın Qərbi Azərbaycan əyalətinin (mərkəzi Urmiyə şəhəri) xəritəsini yayaraq, “Tək və yeganə” sözlərini işlədib. Bununla o, dünyada yalnız bir Qərbi Azərbaycan olduğunu və onun da İranda yerləşdiyini deməyə çalışıb.
Fransız səfir əslində savadsız bir diplomat olduğunu bununla nümayiş etdirib. Əvvəla Qərbi Azərbaycan dedikdə indiki Ermənistan ərazisinin bir hissəsi, daha doğrusu, Zəngəzur və Göycə nəzərədə tutulur. Bu, Azərbaycanın şimalında qurulmuş və müstəqil Azərbaycanın tarixi torpaqlarıdır. Bunu elə fransız yazıçı və səyyah Aleksandr Duma öz səyahətnaməsində yazıb. Düma bildirib ki, Zəngəzur və Göycədə yaşayan azərbaycanlılar Qafqazın abrogenləridir və onlar Azərbaycanın qərbində yerləşir.
Digər tərəfindən, İranda Qərbi Azərbaycan adlı ostanın mövcudluğu bizim ifadə etdiyimiz Qərbi Azərbaycan anlamı daşımır və daşıya da bilməz. Bu, bir növ Şimali və Cənubi Makedonaiya anlamındadır ki, onların bir biri ilə tarixi əlaqələri olsa da, biri müstəqil dövlət, digəri isə Yunanıstan ərazisidir. Yəni, Decotigny elementar coğrafi mənaları belə qavrayaca ağılda deyil.
Onun bisavad diplomat olmasının təsdiq edən bir başqa amil də odur ki, Ermənistanda oturub İranın bostanına daş atır. Heç bir diölomat belə siyasi səhvə yol vermir və verməz. Edərsə, bu, onun bisavadlığından, diplomatiyadan xəbərsiz olmasından və qərəzindən xəbər vermiş olar.
Fransız səfir Ermənistanı müdafiə etmək istədiyi halda, ermənidən daha çox erməni olmasını da nümayiş etdirib ki, bunun adı qərəzdir. Çünki ağlı başında olan bir diplomat müdafiə etdiyi tərəfdən daha çox müdafiə olunan tərəf ola bilməz.
Aydın məsələdir ki, fransızların Azərbaycana qarşı qərəzi və kini mövcuddur. Prezident İlham Əliyevin COP29-da çıxışı zamanı haqlı şəkildə, həmd faktlara əsasən Fransanı tənqd etməsi Parisin kin qusmasına gətirib çıxarıb. Arqumentli şəkildə cavab verə bilməyən (fakt qarşısında hansı arqument gətirə biləcəkdilər ki) Fransa, bu şəkildə gülməli vəziyyətə özünü salmaqda davam edir.
