“Real” “İnter”in yarımmüdafiəçisi Nikola Barellanı transfer etmək istəyir. Madridlilər ona Luka Modriçin əvəzləyicisi gözü ilə baxır.
Futbolinfo.az xəbər verir ki, İspaniya nəhəngi komandadakı orta sahə oyunçularının xorvatı unutduracaq səviyyədə olmadığını düşünür. Sırf Modriçin meydandakı işinin öhdəsindən gələcək futbolçu axtaran klub rəhbərliyi 27 yaşlı italiyalının üzərində dayanıb.
“İnter” 2020-ci iln yayında “Kalyari”dən 32 milyon avroya transfer etdiyi oyunçunu satmağa razıdır. Milanlılar 2029-cu ilədək müqaviləsi olan Barella üçün 80 milyon avro istəyir. “Real” 60 milyon ödəməyə hazırdır. Müzakirələrin yayadək davam edəcəyi gözlənilir.
