Azərbaycanlı FİFA referisi Əliyar AğayevAvropa Liqasının Liqa mərhələsində daha bir oyunu idarə edib.
Sportinfo.az xəbər verir ki, o, 5-ci turda keçirilən “Ferensvaroş” (Macarıstan) – “Malmö” (İsveç) oyununun baş hakimi olub.
Macarıstan klubunun 4:1 hesabı ilə qalib gəldiyi oyunda Ağayevə Zeynal Zeynalov və Akif Əmirəli kömək ediblər. Dördüncü hakim funksiyasını İnqilab Məmmədov yerinə yetirib.
Əliyar Ağayev bu görüşdə meydan sahiblərindən bir, qonaqlardan isə iki futbolçuya sarı vərəqə göstərib. O, "Malmö"nün qapısına penalti də təyin edib. "Ferentsvaroş" penaltini dəqiq yerinə yetirib.
"Ferentsvaroş" hazırda 9 xalla 11-ci, "Malmö" isə 7 xalla 30-cü pillədə qərarlaşıb.
