Elm və təhsil naziri Emin Əmrullayev dekabrın 20-də Tərtər şəhərində vətəndaşları qəbul edəcək.
Nazirlikdən Doğru.az-a bildirilib ki, qəbulda Tərtər, Ağdam, Ağcabədi, Bərdə, Füzuli, Şuşa, Xocalı və Xocavənd sakinləri iştirak edə bilərlər.
Həmin şəhər və rayonların sakinləri dekabrın 12-si saat 18:00-dək Elm və Təhsil Nazirliyinin Çağrı Mərkəzinin 146 – 2 və 146 – 6 nömrəli telefonlarına (yalnız iş günləri və saatları ərzində) zəng etməklə qəbula yazıla bilərlər. Bununla yanaşı, nazirliyin rəsmi saytının https://edu.gov.az/az/contact_us bölməsinə elektron formada və ya +994 51 206 78 48 nömrəsinə vatsap vasitəsilə müraciət göndərmək mümkündür.
DOĞRU.AZ
