Apple 2026-cı ildə iPhone 18 Pro və Pro Max qabaqcıl smartfonlarının qiymətlərini artırmaq niyyətindədir...
Poliqon xəbər verir ki, bu barədə “PhoneArena” nəşri məlumat yayıb. Nəşr qeyd edir ki, bu qərar əvvəlki modellərdən daha bahalı olacaq yeni prosessorların istifadəsi ilə bağlıdır.
“PhoneArena” mənbələri iddia edir ki, 2028-ci ildə Apple ilk dəfə iki nanometrlik A20 Pro çipləri əsasında smartfonlar buraxacaq. Bu prosessorlar hazırkı prosessorlardan 70% baha olacaq və bu da telefonların qiymətini 50 dollardan 85 dollara qədər qaldıracaq.
Mütəxəssislər bunun iPhone 18 Pro və Pro Max-ın sələfləri ilə müqayisədə daha yüksək qiymətlərə səbəb olacağını düşünürlər. Eyni zamanda, Apple üç nanometrlik proses texnologiyasından istifadə etməklə yaradılmış prosessorlar əsasında əsas iPhone 18 modellərini saxlamağı və onların qiymətini artırmamağı planlaşdırır.
Yeni prosessorlar daha sürətli performans və təkmilləşdirilmiş enerji səmərəliliyi təmin etməlidir. Bununla belə, bəzi ekspertlər A20 Pro-nun Apple-ın hazırkı çiplərindən əhəmiyyətli dərəcədə fərqlənəcəyinə şübhə edirlər.
Poliqon.info
