Fransalı futbolçu Pol Poqbanın karyerasına davam etmək istədiyi klub müəyyənləşib.
Msport.az “RMC Sport”a istinadən xəbər verir ki, yarımmüdafiəçi “Marsel”ə keçmək niyyətindədir.
Onun 2025-ci ilin martında dopinqə görə diskvalifikasiya müddəti bitəcək. Fransa yığması ilə 2018-ci ildə dünya çempionu olmuş oyunçunun yaxın vaxtlarda rəsmi müqavilə imzalyacağı gözlənilir.
Qeyd edək ki, 31 yaşlı yarımmüdafiəçi İtaliyanın “Yuventus” klubundan ayrıldıqdan sonra azad agent olub. Antidopinq qaydalarının pozulmasına görə diskvalifikasiya edilən P.Poqba yanvarda məşqlərə başlayacaq.
