Bunu Olaylar.az-a açıqlamasında siyasi şərhçi Azər Həsrət deyib:
"Onun istər sovet dönəmindəki, istərsə də müstəqillik dönəmindəki rəhbərliyi zamanı Azərbaycanın sürətli inkişafı, daha sürətlə irəli getməsi ilə xarakterizə olunur. Özəlliklə də müstəqillik dövründə, 1993-cü ildə Əbülfəz Elçibəyin dəvəti və xalqın istəyi ilə hakimiyyətə qayıtdıqdan sonra Heydər Əliyev Azərbaycanı xaosdan çıxarmağı bacarması ilə yadda qaldı. Yəni hamımız xatırlayırıq, o dövrdə həqiqətən də Azərbaycanın bir dövlət kimi yox olma riski vardı. Amma Heydər Əliyevin hakimiyyətə qayıtması o riski yox etdi, bəlli bir müddətdən sonra ölkə daxilində sabitlik yavaş-yavaş bərpa edildi, iqtisadi inkişafa yol açıldı, bugünkü qüdrətli Azərbaycanın təməlləri atıldı və 2003-cü il dekabrın 12-də dünyasını dəyişdiyi dövrədək Heydər Əliyev demək olar ki, qısa bir müddətə Azərbaycanı ayaq üstə qoya bildi və güclü təməlləri atılmış Azərbaycan sonrakı mərhələdə, yəni 2003-cü ilin oktyabrında İlham Əliyevin prezident seçilməsi ilə daha sürətlə irəli çıxa bildi və bu gün bizim həvəslə, sevə-sevə dilə gətirdiyimiz böyük uğurlar da məhz ona bağlıdır. O proseslərə, Ulu Öndərin müdrikliyinə, uzaqgörənliyinə bağlıdır".
