"Qarabağ" UEFA Avropa Liqasında İsveçin "Elfsborq" klubuna məğlub olub.
seher.media xəbər verir ki, Liqa mərhələsinin VI turuna təsadüf edən qarşılaşmada təmsilçimiz 1:0 hesabı ilə uduzub.
"Buros Arena"da baş tutan matçda yeganə qol 57-ci dəqiqədə vurulub. Meydan sahiblərinin heyətində Ahmed Kasem fərqlənib.
Qeyd edək ki, Qurban Qurbanovun rəhbərlik etdiyi kollektiv Avropa Liqasında növbəti oyununu gələn il yanvarın 23-də Rumıniya təmsilçisi FCSB-a qarşı keçirəcək.
"Qarabağ" - "Elfsborq"oyununda hesab açılıb.
seher.media xəbər verir ki, meydan sahibləri hesabda irəli çıxıblar - 1:0.
57-ci dəqiqədə Ahmed Kasem fərqlənib.
"Qarabağ" - "Elfsborq" oyunda ikinci hissə başlayıb.
seher.media-ın məlumatına görə, Buros şəhərindəki "Buros Arena"da keçirilən matçda hesab açılmayıb.
"Qarabağ" - "Elfsborq" oyunda ilk hissə başa çatıb.
seher.media xəbər verir ki, Buros şəhərindəki "Buros Arena"da keçirilən matçda hesab açılmayıb.
Matçı portuqaliyalı baş hakim Antoniu Nobre idarə edir.
UEFA Avropa Liqasının VI turunda "Qarabağ" İsveçdə "Elfsborq"la qarşılaşır.
seher.media xəbər verir ki, qarşılaşma Buros şəhərindəki "Buros Arena"da baş tutur.
UEFA Avropa Liqasının Liqa mərhələsinin VI turunda baş tutacaq "Elfsborq" (İsveç) - "Qarabağ" matçından əvvəl komandaların start heyətləri açıqlanıb.
seher.media xəbər verir ki, "Buros Arena"da keçiriləcək oyun Bakı vaxtı ilə saat 00:00-də başlayacaq.
Komandalar meydana aşağıdakı heyətlə çıxacaqlar:
"Elfsborq": İsak Pettersson, Buhari İbrahim, Sebastyan Holmen, Terri Yeqbe, Niklas Halt, Simon Hedund, Besfort Zeneli, Timoti Ouma, Ahmed Kasem, Maykl Baydu, Arber Zeneli.
"Qarabağ": Mateuş Koxalski, Elvin Cəfərquliyev, Mateus Silva, Bədavi Hüseynov, Marko Veşoviç, Julio Romao, Marko Yankoviç, Yassin Benzia, Abdullah Zubir, Aleksey Kaşuk, Juninyo.
Bu gün UEFA Avropa Liqasında VI turun görüşlərinə yekun vurulacaq, təmsilçimiz "Qarabağ" İsveç səfərində "Elfsborq"la qarşılaşacaq.
seher.media xəbər verir ki, aktivində üç xalı olan və 32-ci pillədə qərarlaşan "köhlən atlar" rəqibi məğlub edərək növbəti mərhələyə yüksəlmə şansını gücləndirmək niyyətindədirlər. Amma dörd xalla 28-ci sırada yerləşən "Elfsborq"la görüşdə bu, heç də asan vəzifə sayılmır.
"Qarabağ"da Bəhlul Mustafazadə və Kevin Medinanın yoxluğu Qurban Qurbanovun işini çətinə sala bilər. "Elfsborq" isə təmsilçimizlə görüşə itkisiz çıxacaq.
Qeyd edək ki, böyük maraqla gözlənilən görüş Bakı vaxtı ilə saat 00:00-da start götürəcək.
12 dekabr
UEFA Avropa Liqası
VI tur
Saat 00:00, "Elfsborq" - "Qarabağ"
"Boras Arena"
