“18 il Rusiya kimi böyük və çətin bir ölkədə səfir kimi çalışmışam. Demək istəyirəm ki, hazırda müzakirə olunan qanun çox gözlənilirdi. 20 ildir bu sahədə çox problemlər yığılıb. Bu qanun o problemlərin həllinə kömək edəcək”.
“Cebheinfo.az” xəbər verir ki, bunu deputat Polad Bülbüloğlu parlamentin bugünkü iclasında deyib.
Deputat əlavə edib ki, diplomatların maaşları son 20 ildə kifayət qədər artıb. Bu qanun da digər poblemləri həll edəcək.
Qeyd edək ki, “Diplomatik xidmət haqqında” Qanun layihəsində nəzərdə tutulan dəyişikliyə görə diplomatların gəlirləri vergidən azad edilir.
