İsrail Suriyanın Bəşər Əsəd rejiminin devrildiyi bir çox şəhərə hava zərbələri endirib.
Turkustan.az xəbər verir ki, Təl-Əviv rəhbərliyi Əsəd rejiminin devrildiyi Suriyada müxtəlif yerlərə hücumlarını davam etdirir.
İsrail paytaxt Dəməşqin strateji bölgəsi olan Kasyun dağı ətrafında, devrilmiş lider Əsədin qardaşı Mahir Əsədin daha əvvəl komandanlıq etdiyi 4-cü diviziyanın qərargahına hava hücumu həyata keçirib.
AA xəbərinə görə; İsrail Həmanın cənub-qərbindəki Misyaf rayonundakı "Elmi Araşdırma Mərkəzi"ni də hədəf alıb. Suveydanın şimalında yerləşən Halhala Hərbi Hava Limanı da İsrailin hücumlarının hədəfi olub.
Noyabrın 27-də Suriyada Baas rejimi və Əsəd hökumətinin dağılması ilə şiddətlənən qarşıdurmalardan sonra İsrail Suriyadakı hərbi obyektləri məhv etmək üçün yüzlərlə hava hücumu həyata keçirib.
Aytən Yaşar/ Turkustan.az
