"Şahdağ" turizm kompleksinin hotellərinə 101 min turist gəlib.
Day.Az xəbər verir ki, bunu Şahdağda ilin yekunlarına həsr olunan tədbirdə jurnalistlərə açıqlamasında Şahdağ Turizm Mərkəzinin sədri Rüstəm Nəcəfov deyib.
Onun sözlərinə görə, ötən illə müqayisədə, bu il turist sayında 30 faiz artım olub.
"Ümumilkdə kompleksi 280 mindən çox qonaq ziyarət edib və buradakı xizək və digər vasitələrdən istifadə edib.
Eyni zamanda, beynəlxalq yarışların keçirilməsi ilə bağlı da müraciətlər olub. Kompleksin inkişaf etdirilməsinə də xüsusi diqqət göstərilir", - o vurğulayıb.
