İsrail Xarici İşlər Nazirliyi İrlandiya hakimiyyətinin sərt anti-İsrail siyasətinə görə Dublindəki səfirliyi bağlamaq qərarını açıqlayıb.
Viral.az xəbər verir ki, bu barədə “The Times of Israel” qəzeti xarici işlər naziri Gideon Saarın bəyanatına istinadən məlumat yayıb.
“İrlandiyanın həyata keçirdiyi antisemitizm hərəkətləri və ritorikası ikili standartlara əsaslanır. İrlandiya İsraillə münasibətlərdə bütün qırmızı xətləri keçib”, – bəyanatda deyilir.
Son Yazılar:
- İsrail bu ölkədəki səfirliyini BAĞLAYIR
- Suriyadakı Fələstin qruplaşmalarından silahsızlaşma tələb EDİLDİ
- Tbilisidə yenidən müxalifətin etiraz aksiyası KEÇİRİLİR
Xatırladaq ki, Dublinin Fələstin dövlətini tanımasından sonra İsrail artıq may ayında İrlandiyadakı səfirini geri çağırmışdı. Eyni zamanda, İrlandiya səfiri İsraildə fəaliyyətini davam etdirir.
Ötən həftə İrlandiya hökuməti İsraili Qəzza zolağında “soyqırım”da ittiham edərək Beynəlxalq Cinayət Məhkəməsində iddia qaldıran Cənubi Afrika Respublikasını dəstəkləyib.
