Siyəzəndə məktəbli dəm qazından zəhərlənərək ölüb.
AzEdu.az “Qafqazinfo”-ya istinadən xəbər verir ki, hadisə Siyəzən şəhərində M.Ə.Sabir küçəsində baş verib.
Belə ki, dəm qazından zəhərlənən 2009-cu il təvəllüdlü Vəkilli Gülər Seyfulla qızı Siyəzən Müalicə Mərkəzinə çatdırılsa da, onun həyatını xilas etmək mümkün olmayıb.
G.Vəkillinin meyiti Məhkəmə Tibbi Ekspertiza və Patoloji Anatomiya Birliyinin rayon şöbəsinə göndərilib.
Faktla bağlı araşdırma aparılır.
***
Məlumata görə, bu, ailədə yaşanan ilk faciə deyil. Gülərin iki qardaşı 2014-cü ilin yayında Samur-Abşeron kanalında çimərkən boğulublar.
