İki yaşlı Ayselin yardımsevər şəxslərin dəstəyinə ehtiyacı var.
Bu barədə seher.media-a onun anası Aytən Həsənova məlumat verib.
O bildirib ki, övladı ağciyər hipertenziyası (ağciyər çatışmazlığı) xəstəliyindən əziyyət çəkir:
"Ayselin iki yaşı var. O, 31 həftəlik doğulub, ilk 11 gün küvəzdə qaldıqdan sonra evə çıxmışıq. Təkrar müayinələr zamanı onun nəfəs almasında problemlər olduğunu öyrəndik. Tam müayinələrdən sonra isə diaqnozu təsdiqləndi. Həkimlər bu xəstəliyin uşaqlar arasında nadir rast gəlindiyini deyirlər. Aysel doğulan gündən onun müalicəsini etdiririk, demək olar ki, artıq maddi baxımdan tükənmişik".
Gənc ana övladı müalicə olmazsa, səhhətinin daha da ağırlaşacağını bildirib:
"Həkimlər Ayselin müayinələrini etməsək, zamanla bunun ürək çatışmazlığına da yol açacağını deyirlər. Ona görə də bu günə qədər bütün müalicələri hər şeyimizi satmaq da olsa, etmişik. İnanın, nə bir dəyərli əşyam, nə borc alacağımız qapı qalıb. Evdə tək yoldaşım işləyir, bir maaşla həm evə baxıb, həm uşağın müalicələrini edib, həm də borcları qaytarmaq, inanın ki, mümkünsüzdür. Ayselin müalicəsi üçün aylıq 500-800 manata ehtiyacımız var. Ayselin bəzən halı pisləşir, nəfəs ala bilmir. Hər dəfə onun vəziyyəti ağırlaşanda elə bilirəm sondur, onu itirirəm. Yardımsevər şəxslərdən bizə dəstək olmalarını xahiş edirik".
Ailə ilə əlaqə: (055) 588-74-77.
Leo Bank: 4098 5844 9460 8860.
