Rusiyalı iş adamı Dmitri Rıbolovlev daha bir klubun sahibi ola bilər.
Fanat.Az xəbər verir ki, məlumatı “Globo” yayıb.
Mənbənin məlumatına görə, Rıbolovlev "Vasko da Qama" klubunun səhmlərini əldə etməyə can atır. O, Braziliyanın məşhur klubunu almağa iddialı üç namizəddən biridir. Digər ikisi Evangelos Marinakis ("Olimpiakos" və "Nottingem Forest"in sahibidir) və Andrea Radrizzanidir ("Lids" və "Sampdoria"nın sahibidir).
Rıbolovlev indiyə qədər iki klub əldə edib. O, “Monako” (Fransa) və “Serkl Brugge” (Belçika) klublarının sahibidir. Rıbolovlev "Monako"nun səhmlərinin böyük hissəsinə 2011-ci ildə yiyələnib.
Mirağa
