Bu ilin 11 ayı ərzində Azərbaycana ümumilikdə 1 milyard 673 milyon 213 min dollar dəyərində 82 926 ədəd avtomobil idxal olunub.
Dövlət Gömrük Komitəsindən (DGK) AZƏRTAC-a bildirilib ki, ötən ilin eyni dövrü ilə müqayisədə ölkəyə idxal olunan avtomobillərin sayı 6,5 faiz və ya 5 812 ədəd azalıb, dəyəri isə 9,9 faiz və ya 150,8 milyon dollar artıb. 2023-cü ilin müvafiq dövründə Azərbaycana 1 milyard 522 milyon 373 min dollar dəyərində 88 738 ədəd avtomobil idxal edilib.Qeyd edək ki, 2871 elektrik mühərriklə hərəkətə gətirilən nəqliyyat vasitələri idxal olunub.
