Bir neçə gün əvvəl anası vəfat edən Türkiyənin məşhur müğənnisi Mahsun Kırmızıgül İzmirdə səhnəyə çıxıb.
Modern.az-ın məlumatına görə, o, konsertdə göz yaşlarını saxlaya bilməyib.
Mahsun Kırmızıgülün anası Faike Arık bir neçə gün əvvəl vəfat edib.
“Bu gecə səhnədə olmaq həyatımın ən çətin anlarından biridir. Mənim üçün dünyanın ən böyük insanı olan anamı itirdiyimə görə çox kədərlənirəm. Amma mən də bunu çox gözəl bilirəm, hər şeyə rəğmən həyat davam edir. Bu axşam evə çörək paran işçilər üçün və aylar öncədən rezervasiya edən dəyərli insanlar üçün buradayam. Anam mənə həmişə insanlara, əməyə hörmət etməyi öyrədib. Bu axşam mahnılarımı anamın xatirəsinə oxuyacağam”, - o deyib.
